طريقة تفعيل الأنترنت على شريحة موبايلي والاتصالات وزين

طريقة تفعيل شرايح الإنترنت لشركة موبايلي والاتصالات STC وزين على الايباد

راح يكون شرحي مقتصر على الايباد لان الايفون فيه وسيلة اتصال بعكس الايباد يلقى صعوبه بطريقة الشحن والاشتراك والتفعيل ومعرفة رصيدة المتبقي من باقته
البعض يقول عادي نفك الشريحه من الايباد ونحطها بالايفون بما ان الشريحه صغيرة ونشحن فيها طيب واللي ماعنده ايفون أمه والدته وجايبته بالبرنده يبلش بروحه؟

أسئلة شائعه

1- ركبت شريحة البيانات لكن ماعرفت كيف أفعلها على الايباد ؟
اي تعال معي أولاً وقبل كل شي أنت وش ناوي عليه تبي شركة موبايلي والا الاتصالات والا زين يازين ؟

–> والله مدري لكن أبي اللي باقاتهم رخيصه ومابي يخلص اشتراكي بسرعه وبنفس الوقت يكون تصفُحي صاروخ !
.. ايه لاصارت الشركه حلال أبوك تعال تشرط

كل شركه عندها باقات لشرائح مسبقة الدفع وباقات للمفوتره وباقات خاصه لشريحة البيانات وبأسعار معينه شف اللي تناسبك ومد رجلك على قد لحافك
ومن تجربتي الشخصية أنا أفضل اتصال الشريحة العاديه على شريحة البيانات

–> وش الفرق ؟
1- الشريحه العاديه تقدر تتصل منها وترسل وتطلب معرفة الرصيد المتبقي – أما شريحة البيانات لا ..
2- الشريحه العاديه تقدر تشحنها اذا خلصت قبل نهاية الشهر لكن بشرط تكون الباقة أعلى من السابقة أو تلغي اشتراكك الأول وتشترك بباقة من جديد تكون نفسها اللي مختارها – بينما شريحة البيانات ماتقدر تشحنها الا اذا خلص الشهر
3- الشريحة العاديه تتوقف الخدمة اذا جاء الشهر الثاني وانت ماشحنت – بينما شريحة البيانات لو ماشحنتها مثلا بشهر 1 وتبي تعيد الخدمة في شهر 2 يلزمك انك تشحن للشهر الماضي والحالي لتشغيل الخدمة مره أخرى !
4- الشريحة العاديه تقدر تستفيد من برنامج النقاط والجوائز عند الشحن والاستخدام – اما شريحة البيانات ماتقدر تستفيد من هذا كله .

استعراض للباقات الموجودة للشركات ..

1- شركة موبايلي


للمزيد من الباقات
http://www.mobily.com.sa/wps/portal

كيفية الاشتراك :
ارسال رمز تفعيل الباقه المختاره الى 1100

.
.

2- شركة الإتصالات السعودية

للمزيد من الباقات
http://www.stc.com.sa/cws/portal/ar/…al/ind-aljawal

كيفية الاشتراك :
ارسال رمز تفعيل الباقه المختاره الى 902
.
.
3- شركة زين

للمزيد من الباقات

http://www.sa.zain.com/autoforms/portal/home

.
.

- إعدادات تشغيل الإنترنت -
طريقة ضبط اعدادات APN لجهاز الايباد :

نروح نضبط الاعدادات الخاصه للبيانات الخلويه
الاعدادات -> البيانات الخلويه -> اعدادات APN

- شركة الاتصالات السعودية (STC)
اكتب لإعدادات APN

jawalnet.com.sa

- شركة موبايلي

اكتب لإعدادات APN
للشريحه المفوترة web1 و للشريحه مسبقة الدفع web2

- شركة زين
اكتب لإعدادات APN

zain

* اسم المستخدم وكلمة السر غير مطلوبات فاتركهن فارغات …
.
.

سؤال :
كيف أشحن الشريحة للايباد ؟!
عندك طريقتين للشحن ..
1- اما عن طريقة بطاقات الشحن

2- او عن طريق تطبيق مصرف الراجحي او اي بنك أخر يتم تحويل مبلغ الباقة الى شريحة الايباد

تطبيق البنك السعودي الفرنسي FransiMobile مجاني و متوفر في متجر التطبيقات.

تطبيق بنك سامبا sambaMobile مجاني ومتوفر في آب ستور

تطبيق مصرف الراجحي Al Rajhi Bank مجاني و متوفر في آب ستور.

بعد ماندخل على مصرف الراجحي
نروح لعلامة الـ + لادخال فاتورة جديده
ونحدد وش نوع الفاتوره اللي مستخدمها للشريحة هل هي اتصالات أو موبايلي يعني حدد نوع الشركة

مثل ماتشوفون انا اخترت موبايلي .. أيضا فيه لموبايلي مسبقة الدفع
–> ماهو رقم الفاتوره ؟
رقم الفاتوره هو رقم الاشتراك للشريحه
شركة الاتصالات : يتطلب منك تتصل فيهم عشان يعطونك رقم الاشتراك لرقمك سواء مفوتر او مسبقة الدفع
بينما شركه موبايلي : مايطلب هالشي أبداً .. فرقم الاشتراك هو نفسه رقم الشريحه اللي تستخدمها
فتكتب 966******** رقم الشريحه بدون صفر

وبكذا اضفنا الفاتورة
فنروح لقائمة الفواتير ..
فتختار المستفيد ( الفاتورة مسبقة الدفع ) .. وتختار ( حسابك )
المبلغ : 100 ريال مثلاً
+ دفع
تأكيد

.
.

سؤال :
–> حلو حلو هالحين شحنت شريحتي لكن كيف استعلم عن رصيدي وكيف اشترك بالباقة .. وأنا ماقدر أتصل ولا أرسل بالايباد ؟!
–> طيب انا ماعندي حساب بالراجحي ولاغيروه وامطفر وابي اشحن من البطاقة اللي شريته من بقالتنا وشلون ؟ <- يادبش هاللي خطم طيب اصبر ههههه

.
.

عندك برنامج للايباد اسمه

Swirly sms free

وهو تطبيق مجاني تقدر اتحمله من Installous اذا كنت مسوي جلبريك لجهازك
عملي وممتاز جداً لتبادل الرسائل

واجهة البرنامج :

ارسال رمز التفعيل الى 1100 موبايلي

راح تاصلك رسالة انه تم تفعيل خدمة موبايلي انترنت للباقه بنجاح

للاستعلام عن الرصيد لموبايلي قم بارسال رسالة نصية فارغه الى رقم 1411 وياصلك الرد

سؤال :
–> طيب أنا ماسويت جليبريك ولا أبي اسوي خايف على جهازي لايخرب وابي اشحن من جوالي أبو تريك قصدي أبو كشاف وش السوات ؟ <- واحد موسوس

رح لأقرب محل يبيع أجهزة الكترونية بتحصّل عندهم شريحة فارغة بهالشكل .

تقدر تحط شريحتك الصغيرة بوسطه وتركبه على جوالك وتشغله عليها وتشحن ..
قيمتها بـ 10 ريال وبعد المكاسر بـ 5 ريال كنت بوصلها لريالين وبغى الهندي يمسكن الباب وتعوذت من الشيطان وتثيوبت بالثلاث تريل لميمتي

وللاستعلام عن الباقي من شبكة البيانات للميقا بايت والقيقا بايت
رح لاعدادات الايباد -> عام -> الاستعمال

وفي كل مره تشحن .. اضغط على إعادة تعيين الاحصائيات عشان يحسب لك من جديد
.
.
اتمنى اني وفقت بالشرح واذا عندكم استفسار لايردكم الا الكيبورد


اختكم / Pixel Des




للفائدة تم نقل الموضوع